Radiowe Tematy

I zaś nom rok przelecioł,a nowy pędzi na całego. Ani my sie niy łobejrzeli, i już momy dwa miesiące nowego roku za nami. Przed pięciu laty, 10 lutego, swoje audycje zaczło nadować radio Wesoły Hanys. Wielu prezenterów zaczynało swoja przigoda z radiym interentowym właśnie na tym radiu. Potym tak sie to jakoś stało, że sie już tego fachu nauczyli, i sami zaczli grać, na swojim radiu szefować. Blank inakszyj zabroł sie do tego Bernard, kiery założoł radio Bercik. Od samego poczontku zebroł nowych prezenterow, i zaczoł prowadzić audycje po swojimu. Strona radia Bercik jest od samego poczontku tako sama – przejrzyście napisano, kolorystycznie dopasowano, i niy trzeba czekać, aż sie załaduje. Pomału przibywało słuchaczy, trzeba było zmienić servery, żeby pomieścić wszystkich, kierzi chcieli posłuchać Bercikowych audycji. I tak jak na wszystkich radiach, razym z rozwojem radia rosną koszty utrzimania.

Nie obyło sie bez prośby o pomoc finansowo od słuchaczy, ale... u Bercikow je inaczyj. Jak to bywo, tam, kaj som pioniondze, tam sie kończy koleżyństwo. Beztoż redakcja radia postanowiyła założyć i sądownie zarejestrować Kulturvereinigung Bercik-Silesia e. V. po polsku Stowarzyszenie Kulturalne Bercik-Silesia. Celem działalności tego stowarzyszenia jest aktywne krzewienie ślonskij kultury i mowy, a głównym środkiem tej działalności jest radio Bercik-Silesia. Stowarzyszenie Bercik-Silesia nabrało w ten sposób osobowość prawną, wraz z wszystkimi obowiązkami oraz korzyściami z tego wypływającymi. Obowiązkiem jest rozlicznie się z nabytych korzyści lub przekazanych finansów, korzyścią jest możliwość wystawienia potwierdzenia dla darczyńców, którzy w ten sposób otrzymają dokument potwierdzający kwotę darowizny. Zresztom, poczytejcie sie sami, co Berciki o swojim Kulturvereinigung napisali.

Myśla, że takie zalegalizowanie działalności radiowej pomoże w dalszym rozwoju tego ciekawego radia. Mom tako cicho nadzieja, że już za niedługo byda zmienioł statystyka, oczywiście do gory, a niy na doł.
Życza Bernimu, jak i całyj jego załodze powodzenia i dziekuja za współpraca z naszym portalem familok.info