Narazie jest nas dwoch, jak moj vater godo, jo i moj cień, ale mom nadzieja, że sie znojdzie pora takich,
kierym sie to podobo, i kierzi by mieli trocha chynci, i czasu,żeby przi stawianiu dalij pomoc.
Fundament jest przigotowany dobrze, server internernetowy mo dojść miejsca, żeby tu kupa informacji pomieścic.
Tak jak w familoku mieszkajom roztomajte ludzie, tak tukej chciołbych pisać o tym,co tych ludzi,
co wos, szanowne czytelniczki i czytelnicy, by interesowło, tak żebyście tukej czynscij zaglondali.

Na som poczontek zaczynom ze slonskom muzykom,zeby lepij szło,bo z muzykom każdo robota idzie lekcij,
a ze naszom ślonskom muzykom,to juz idzie samo od sia.
W kalendarium byda publikowoł ciekawe terminy, kiere mogom sie przidac,
mom na myśli takie terminy jak biesiady slonskie, jak koncerty slonskich zespolow,
jak ciekawe, i interesujonce audycje radiowe abo programy telewizyjne.
Dużo z nos, kierzi jadom do dom, na Slonsk, dowiedzom sie o jakijś biesiadzie,abo o koncercie,
jak juz som nazod w doma, a radzi by sie pobawiyli na urlopie.
A jak już przijedziecie nazod, to w galerii mozecie pokozać tym,
kierzi nie ściongli na czas fotografie z urlopu,abo i innych stron, żeby im sie tyż żol zrobiyło.

To tak tyla tego na poczontek.

Potym jeszcze byda chcioł dobudować forum, tak żeby sie trocha poinformować,
i dowiedzieć sie o inkszych, tyż ciekawych rzeczach.
Potym byda chcioł postawić tako tabula z ogłoszyniami,
jak ktoś bydzie coś potrzebowoł zrobić, jak ktoś umi coś zrobić, abo jak pojedzie na Slonsk,
i bydzie mioł wolne miejsce w aucie, abo jak pojedzie nazod, juz do Vaterlandu,
i bydzie chcioł kogoś wziońsć ze sobom, żeby mu sie w aucie nie mierzło, to bydzie mioł miejsce, żeby to oznajmić.
Jak ktoś mo swoja firma, abo jak wykonuje jakieś usługi, to bydzie mioł miejsce,żeby sie zareklamować.
Myśla, że na som poczontek to juz styknie tego pisanio, teraz zaczynomy  – my dwa, jo i moj cień.

Szczynść Boże Slonzokom, Polokom, i tym wszystkim, kierym sie to podobo,

a tym, kierym sie to niepodobo, tym jo już nie pomoga.

jak sie komuś ta sajta podobo, to moze do mie naszkryflać,
abo na emajla - na adresa webmaster@familok.info
abo na skypa - peter_pri
abo na GG    - 3113611

jak ktoś chce nas reklamować, to może na swojij stronie umieścic nasze grafiki:

jak ktoś mo interesa, i chciołby zusammen trocha nom pomoc,
bydymy sie wielce radowac, bo chcymy tyn familok jakoś wybudować.

Peter Katzmann