Widza, że kożde z radyjek probuje swoja własno zupa warzyc. Niekierym to idzie lekko, a nikierym tyz bardzo ciynżko idzie, ale połonczyc sie i razym pogodac nie chcom. Kożde z radii walczy o słuchacza, a to powinna byc wolno wola słuchacza, czego i kogo słucho.

Ale jak to sie godo „konkurencja” nie śpi, i nieftorzy jada rowno, czy to reklamy, grozby, głupie maile abo komentarze na czacie, czy tyż wpisy i ostrzeżenia do słuchaczy na gg i skypie, wszystko to miało już  i u nos miejsce i myśla że u innych tyż sie już coś takigo zdarzoło, choc nie kożdy o tym godo abo pisze.

A nie po to sie te radyjka zakłodo, by sie tu wadzic i między sobą walczyc, yno po to, by fajno muzyka, ślonsko gwara czy tez relax na czacie dlo sluchaczy zaprezentowac. Nie jeden z nich chce uciyc od codzienej szarosci zycia i sie fajnie zabawic we wirtualnym swiecie, a dlo nie jednego jest to rownie balzam do duszy jak i alternatywa nawiazania kontaktow, szczegolnie dlo tych samotnych i chorych. Jo jesce nie widziol zeby tu sie radyjka laczoly, pryndzej sie dzielom, dobre DJ-e odchodza od radyjek i zaklodajom nowe swoje wlasne radyjka, i proszom od piyrwszego dnia o wsparcie, ze nie daja sami rady radia utrzymac,  a potyn walcza jescze o tych sluchaczy ftorych tam na audycjach poprzednich radyjek mieli. A radyjka ftorym sluchacze za DJ-em uciekaja piszom glupie i obrazalskie wpisy czy na ksiegi gosci, czy tyz na konzoleki pozdrowien, albo tyz i do sluchaczy upominajc ich jakiego radyjka to maja suchac. Wszysko to je dziwne, bo w koncu robimy to do uciechy i po to zeby sie zabawic i miec mocka spasu. Ale tero wrocajac do tyj propozycji, i tu mom na oku wszystkie te nowe i male pocontkujace radyjka. Sluchacze bawia sie nie yno na audycjach radyjka, ale i chcieli by sie tyz lod czasu do czasu spotkac abo wspolnie pobalowac. My mieli w maju superowe spotkanie naszych sluchaczy na naszym grilowaniu we Krefeldzie i znojdlo sie tam okolo 60 sluchaczy i fajnie my sie tam bawiyli i poklachali. Dobrze sie je tak spotkac, poznac i pobawic, ale nie kozdy umie takie cos zorganizowac, albo tez fundusze na to nie zawsze pozwolaja, albo jesce to ze maja sluchaczy z roznych kontow Europy i nie kozdy moze na takie spotkania przyjechac. Robiac np.  Biesiady som te mozliwosci jesce bardziej ograniczone, bo abo jest Biesiada na slasku abo w niemcach, a sluchacze nie zawsze i nie kazdy z nich sie w tako droga wybiyro, bo to i ze srogimi kosztami jest zwiazane.

Zeby cos takiego sluchaczom, a szczegolnie tym z tych malych radyjek umozliwic mom propozycja zeby cos takiego wspolnie zorganizowac, i tu wlasnie przypuszczom ze nie jedno szefowstwo Radyjka nie bedzie chcialo sie na taka wspolno Biesiada zgodzic, choc godom, ze to yno dla dobra sluchaczy sie robi, kerzy by sie chetnie pobawili i miedzy sobom poznali. Radyjko Bercik bydzie organizowac w tym roku wlasnie tako biesiada i moze sie tukej myla i inne Rydyjka sie przylacza i zostanie zorganizowano wspono Biesiada, Wiadomo, ze ftos musi sie tym zajac, pokierowac i zorganizowac, ale moze jednak sie udo, bo pomysl je naprowde dobry yno trza chciec.

Zaproszomy wszystkich chetnych do wspolpracy i do kontaktu jak nie z nami bezposrednio to moze przez naszego Petra z Familoka, ftory laczy wlasnie wszystkie te nasze radyjka pod jednym srogim dachem, jak sie to godo we familoku, som my jedna srogo rodzina abo?. Jo som je ciekawy czy udo sie polaczyc i pogodzic te radyjka miedzy soba dla dobra sluchaczy.

Redakcja Radyjka Bercik

Berni

http://www.radiobercik.eu

info@radiobercik.eu