od połtora roku prowadza ta strona internetowo,
na kieryj prezentuja wom informacje o ślonskich radiach internetowych.
Najczyńscij dostowom te informacje od Was, Czytelnikow i słuchaczy.
Ale chyba coś sie zmienio, bo ostatnio dostoł żech informacjo od Artura z radia Hitmix,
kiery nos poinformowoł o nowyj stronie radia.
Bardzo żech sie z tego uradowoł, ale to co żech dostoł wczoraj w nocy,
przeszlo moje oczekiwania, czegoś takigo żech sie nie spodziewoł.

przeczytejcie sie sami....

DRODZY CZYTELNICY I SLUCHACZE!!!!!
Zapraszomy do suchanio naszego nowo stworzonego radia www.slonske-muszketery.eu.
Yno zas niy narzykejcie, ze zas jedna nowo lajera !!!!
Nojpierw wlyscie, posuchejcie, a potym ocyncie. ZAPROSZOMY I I JUZ SE NA WOS CIESZYMY!!!!!!
Sklupli my se dokupy, zeby wprowadzic w zycie nasze szalone pomysly i byc blizyj z Wami ziomolami. Momy tysz wielko nadzieja, ze nawiazymy kolezenske, a nawet przyjacielske kontakty z innymi radiami.
Z czego skozystajom napewno sluchacze. Tak w glebi duszy zyczyli by my se zgodnej i przyjaznej wspolpracy , bo rywalizacji momy dosc w zyciu codziennym, a tysz zeby my zostali przyjynci do grona przedstawicieli slonskich radiow. Co do nazwy radia :- niy bojcie sie niy bydymy ani szczylac, ani bojowac, ani na koniach jezdzic ! poprostu bardzo nom se podobajom cechy charakterow powiesciowych muszketerow ( majom napewno ze slonzokami cos wspolnego hahahaha) .

Same motto jest juz wspaniale " jedyn za wszystkich , wszyscy za jednego"
I stad tyn pomysl na te miano naszego radia! Nic wiecej sam niy bydymy zdradzac, einfach ZAPROSZOMY!!! Startujymy tak richtig 14.06.2008 o 16-tej  oficjalnym programym.
Nasz serwer to jeszcze jedna wielko bausztela (my se tysz tego dopiero uczymy) , jakby  cos niy klapowalo to proszymy o przymruzynie oka!
Z gory przepraszomy, no i dziekujymy!!!!