POZEGNANIE

DLO SLUCHACZY I PREZENTEROW

Kochani , po mojej audycji niedzielnej 20.04.08 zadzwoniol do mie Chris i oznajmniol mi, ze mie zwalnio!!!

Jo Wom zawsze obiecywala, ze jo SAMA z tego radia niy odejda, a Iza zawsze dotrzymuje slowa. Ale tera jo je do tego zmuszono! Tom drogom chcialabych se z Wami pozegnac i Wom podziekowac za wiernosc, za te wszystke mile slowa, za te krytyki, kere mie nikedy do szalu doprowadzaly, ale zawsze byly przemyslane i jakes wnioski wyciagniete. Tak wspanialych i wiernych sluchaczy to mogom inne radia nom yno pozazdroscic. Acha juz niy "NOM". Granie na tym radiu i dlo tej publiki sprawialo mi duzo radosci i niy roz i niy dwa pomagalo mi przetrwac. Kochani tyn list niy sluzy do tego zebyscie przestali te radio suchac!Jo mom take marzynie, ze jak tak np. za 10 lot se te radio puszcza, to byda mogla powiedziec , ze to wlasnie MY we trzech tzn. CHris, Sebastian i Jo te radio stworzyli i te fundamynta polozyli. I mieli my tak wspanialych murazy co te cegly domurowywali- TO SOM ZESCIE WY SLUCHACZE- i NASZE PREZENTERY.Wspominom do dzisiej nasza pierwszo zabawa kero jo zoorganizowala we Ampen (ciekawe kto mo jeszcze ta koszulka?), kaj my to ta wodzionka z jednyj miski i jednom lyzkom jedli. Moi kelnowcy byli niy do pobicio w tych karnawalowych strojach. Walynciok z Dorkom jeszcze wtedy zodyn prezenter, ale duszom i sercym juz z radiem.
- Bylo prawdziwom radoscia suchac i te postympy od Christofa na radiu obserwowac, jak to zoczon swoje wspaniale pomysly w antynowe zycie wprowadzac.zawsze sie czeko w napieciuco nowego zas wymysli.
- Jak nasza poczatkowo "yno" romantyczka , stala se prezenterkom na wszelkego typu audycje, tera jedzie z tym koksym jak zawodowiec!
- Jak nasz Janek perfekcyjnie wypracowol se swoj styl antynowy, zawsze spokojny i usmiechniety(tak ze jo znajac go prywatnie musza se zawsze spiewac"to jest nasz janek , janek z euskirchen!hihihi)
- Jak nasz Walynciok potrafiol przekonac sluchaczy do swoich upodoban do niemieckich szlagrow i ciekawymi zespolami tak wzbogaciol audycje. Oczywiscie kosztowalo to Dorka masa kasy, bo te kontrakty ze drogeriom na husteczki higieniczne, juz niy wspomna o tych medalach!
- Musza wspomnac tysz mojego kochanego czarodzieja, kerego to yno roz mi sie udalo podyjsc , zeby podczas czytanio pozdrowien parsknol smiechym!
- Marek i te nocne kogle mogle ze strusich jajek!
To som wspaniale wspomnienia, kere pozostanom i tego MI ZODYN NIY ODBIERE!
Oczywiscie innym dziekuja tysz. Niezapomna tych wspolnych mostkow z Wami, szczegolnie taki jedyn jak my to wszyscy (we 7) po tym mostku skokali. To bylo piekne przezycie do mnie!
- jo tysz przezyla "ewolucja" na tym antynowym zyciu, zaczlach jako "yno" podstrzelono Iza, a tera juz umia poprowadzic jak tu juz ktos napisol"audycja we Wszystkich Swietych", ale niy martwcie sie , ze tyj szczigi jeszcze duzo we mnie zostalo.
Dziekuja Wom prezentery za te piekne przezycia, a te zle prosza! zapomcie.
Moim blyndym bylo to, ze jo nawet niy wiem kedy zaczlach traktowac te radio jak moje trzecie dziecko, i przez to tyn bol i rozczarowanie.
Niy bylabych sobom jakbych moich kochanych czatusi niy wspomniala. Som tam ludzie, kerzy towarzyszom mi od zalorzynia tego czata.Przechodzieli my burze i huragany, ale my przetrwali!!!, razym, wspolnie i durch ze usmiechym i cmokami. Mom durch przed oczami ostatnio zabawa we Werl!, kaj to zech Wos miala calyyyy, dugiiii stol NR.8 i my razym na tych stolkach tancowali. Bylach z Wos bardzo dumno!-DZIEKUJA-
Wielke dzieki dlo wszystkich Zespolow, Wykonawcow, Menagerow i wszystkich z kerymi dane mi bylo wspolpracowac!
Tak, trza by bylo konczyc, choc moglabych tak pisac jeszcze w nieskonczonosc.
Zycza Wom na koniec tak wspanialych wspomnien o SZCZIDZE , jake jo mom o WOS wszystkich.I niy zapomnijcie ta szcziga!
WASZA ISKA ZE SOEST

E-Mail (niy bydzie opublikowany)

Imie/Nick

tytul komentarza

Komentarz
 zostalo znakow

wpisz