ostatni tydzień prziniosł dużo poruszenio na naszym forum internetowym,
w kierym możecie pisać o prezenterach, kierych mocie radzi

jako odpowiedzialny za ta strona internetowo chciołbych wom trocha napisać, co o tym
wszystkim myśla.

Nie znom szczegółow, kiere doprowadziyły do odwołanio tych dwoch prezenterow, ale mom ich nagrania, i naprowdy cieszyło mie, jak było słychać ich postympy w komunikacji ze słuchaczami.
Dzieki waszyj pomocy było im łatwij, bo przijeliscie ich do grona "swoich" prezenterow.

Co mnie trocha dziwi, to jest to, że jak przestali grać, to zaczły sie komentarze na temat Chrisa, a skoro on jest za radio odpowiedzialny, to może takie decyzje podejmować. Widocznie mioł do tego swoje powody, kiere skłoniyły go do tego.
Szkoda yno, że powtarzo sie sytuacjo, jako my już roz mieli z Viktorym.
Może sie kiedyś Chris wypowiy na tyn tymat, na radiu abo na swojij stronie.
W końcu prowadzi radio o największyj słuchalności internetowyj, no i beztoż odbiyło sie to takim echym na naszym forum internetowym.

Czymu tak nie napiszecie pryndzyj, na forum, kaj jest na to miejsce, i prezenterzy mogom sie poczytać, co sie wom-słuchaczom w ich audycjach nie podobo. Wtedy może każdy sie wypowiedzieć na te tematy, i odpowiednio do toku dyskusji sie ustosunkować. A szefowie radia mogom sie te komentarze poczytać, i swoje wnioski z tych dyskusji wyciagnąć. A pisać możecie bez ograniczyń, yno prosza was, żebyście sam niy przeklinali, żodnych KXXXX i HXXX nie wypisywali, a jak sie ktoś po naszymu zapieroni, no tak zle nie jest.
Piszcie tyż, jak sie wom coś szczególnego w audycjach podobo, może to pomoże zmienić styl prowadzynio audycji przez nikierych prezenterow, prezenterki tyż som brane pod uwaga.


Mom nadzieja, że bydymy mogli poczytać wasze komentarze do audycji na radiach internetowych,
i niy myśla tu yno o Slonsky Radio, ale tyż o innych radiach, a szczególnie o tych małych, kaj je mało słuchaczy.

Myśla, że jak sie prezenter poczyto po ukończyniu swojij audycji, jak sie wom podobało,
to jest to do niego dodatkowo motywacjo, żeby sie do audycji odpowiednio przigotować.

A krytyka, jak nie jest bezpodstawno, to może pomoc prezenterom, redakcjom, no i nom wszystkim, słuchaczkom i słuchaczom, kierzi razym spędzajom dużo godzin na internecie.

Razym mogymy poprawić jakość audycji, przez co bydymy mieli wszyscy zadowolyni, a nie że sie bydzie pisać, że jakoś to bydzie. Żodyn z nas niy jest wyuczonym prezenterym, ale razym mogymy sie wspólnie pomoc, i polepszyć jakość audycji.

Jakość to niy jest jakoś, ta jedna literka robi dużo różnica.

A jak sie wom coś na tyj stronie familok.info niy podobo, to tyż mi napiszcie,
byda sie cieszoł z waszych uwag i komentarzy.

pozdrowiom wos serdecznie, zaprasyom do dyskusji,
i życza, jak zawsze, niczym niezakłóconego odbioru radiowego,

Peter