|
moje ulubione radia internetowe |
|
dziynki wynikom ankiety zdecydowoł żech sie trocha ułatwić wom, szanowni czytelnicy, słuchanie radia ...
jednoznacznie najwiynkszym powodzyniem cieszy sie program WinAmp.
Używajonc tego programu do słuchania radia, mogymy zawsze skoczyć na strona www.familok.info
i wybrać nasze ulubione radio.
Inno możliwość jest odpowiednie przigotowanie i skonfigurowanie odtwarzacza WinAmp.
Po zainstalowaniu WinAmpa pokoże nom sie tekie okienko:
 
jak kliknymy na ML,
to otworzi sie nom okno biblioteki mediow
jak kliknymy na zakładki, to nom sie prawdopodobnie nic nie pokoże.
do tych, kierzi chcom szybko dodać wszystkie stacje radiowe, kiere momy na stronie internetowyj,
przigotowali my mało instrukcja, jak to zrobić.
Jak momy WinAmp nastartowany, to muszymy go zawrzić, i mogymy jechać dalij...
Na poczontek ściongomy ze strony www.familok.info plik ulubione radia. Plik tyn zapiszymy na dysk komputera, tak zeby my go znodli.
Jak już momy tyn plik na komputerze, to muszymy go rozpakować
jak już tyn plik rozpakujymy, to momy w tym folderze plik winamp.bm
teraz muszymy tyn plik winamp.bm skopiować, najlepij kliknońć na niego prawym klawiszym myszki,
i wybrać SKOPIUJ, abo po nimiecku KOPIEREN
potym muszymy na naszym komputerze znojść folder, kaj jest zainstalowany WInAmp
u mnie jest ro w folderze C:\PROGRAMME\WINAMP
w nowym WinAmpie 5.52 jest on w:
C:\Dokumente und Einstellungen\PROFIL\Anwendungsdaten\Winamp
może mi ktoś napisze, jak to jest w polskim windowsie
jak już znojdymy tyn folder, to klikomy na niego dwa razy, i otwieromy tyn folder.
potym klikomy na jakieś wolne miejsce w okienku prawym klawiszym myszki,
i wybieromy WKLEJ/EINFÜGEN
teraz jeszcze roz startujymy WinAmpa, klikomy na ML / Biblioteka Mediow,
wybieromy zakładki, i mogymy klikać do woli, i słuchać, i słuchać...
jak mocie uwagi do tyj instrukcji, to prosza o kontakt, co i czymu sie wom niy podobo,
piszcie je na forum ślonskie klachy, tak jest dział - problemy techniczne
|
