|
co dalij ze slonskimi radiami internetowymi? |
po przesłuchaniu wielu godzin nagrań ślonskich radii internetowych chciołbych opisać moje uwagi,
Jak tak słuchom tych audycji radiowych, to jakoś sie jedne radio od
drugigo nie różni, może yno tym, że majom wiyncyj sluchaczy, abo
tonacjo głosu moderatora sie zmienio.
jak dlugo bydom sluchacze
pozdrowiać ujka z niemiec, ciotka spod opola, siostra z drugij wsi, i
brata, kiery juz downo zapomnioł po naszymu godać ???
myśla, że po około 3 latach używanio tego schematu mioł by sie znojść
ktoś odważny, kiery bydzie chcioł zrobić richtige radio / a nie koncert
życzyń.
Inno sprawa, to chroniczny brak prezenterow.
Ci, kierzi majom trocha doswiadczenio i obycio z mikrofonym, odchodzom z jednego radia, i zaczynajom ze swojim "nowym" radiym, na kierym kopiujom koncepcjo radia, w kierym grali wcześnij.
Doprowadzo to niepotrzebnie do podziału słuchaczy, jak tyż do dezorientacji, nowy server... nowe adresy internetowe...
Brak stałych nazw stacji internetowych, przez co nie można szukać stacji na spisie shoutcast
Prezenterzy mało używajom mozliwości, jakie im daje DSP do Winampa, już
nie chca wspominać o innych programach do prowadzenia audycji radiowych. Bardzo mało prezenterow używo stałych, zdefiniowanych opisow stacji, imienia prezentera, tytułu granego utworu muzycznego.
Jak na razie, to nie słyszoł żech, żeby do jakigoś radia szło zadzwonić, i przesłać pozdrowienia na żywo, na antena.
Ciekawe, jak som wyposażone komputery, kiere używajom prezenterzy -
prawdopodobnie mało mo wiyncyj jak jedna karta dzwiekowo - może sie
pochwolom swojimi komputerami.
Oczywiście że jest jeszcze potencjał w radiach internetowych, bo jak
tak tego słuchom, i robia statystyki słuchalności radii internetowych,
to widza, że na dzień jest około 1500-2000 słuchaczy.
Kaj som te wszystkie Ślonzoki, kierzi tak strasznie kochajom swoj Heimat...
Chiołbych zainteresowane osoby zaprosić do dyskusji na te tematy na forum, mom nadzieja, że może to polepszyć i pomoc w dalszym rozwoju ślonskich radii internetowych.
|
