widziane oczami tego, kiery wom ta muzyka puszczo - 2008/04/16 22:13Już dwa lata grom na radiu internetowym, a od prawie roku na ww.fajermix.com. Robia to po to żeby Wom umilić Wasz czas i przybliżyć Wom nasze Śląskie klimaty biesiadne, a przy tym też dobrze sie z Wami bawić.Przy tej też okazji dziękuja Wom za liczno słuchalność naszego radia i moich audycji. Jak chyba Wszyscy wiycie my prezenterzy i DJ-je gromy Wom z własnej chęci i żodyn z nas za to piniędzy nie biere. Są jednak i tacy słuchacze co chcom z nas robić swoja prywatno własność i dyktować prezenterowi swoje warunki, a jak ich nie spełnio to sie odgrażajom albo obrażajom prezentera. Bez to też niejedni prezenterzy tego długo nie wytrzymujom i choć som dobrzy, to jednak odchodzom z radia, a wtedy obrywo za to szef radia, bo jego sie o wszystko wini. Jo som tez nieroz miołech tej dyktatury słuchaczy dość, ale jakoś na razie wytrzymuja. Kożdy prezenter mo swoje upodobania muzyczne i myśla ze jest to dobre.Jo w swoich zbiorach muzycznych posiadom około 6 tyś.piosenek w klimatach Śląsko-biesiadnych, a gdybych groł pod dyktando słuchaczy to stykło by mi ze 50 albo 100 nagrań. Dlatego nieroz mie pieron biere jak nasi sluchacze proszą o jedne a te same piosenki. Gromy Wom na radiach Śląskich i dlatego jak jo, tak myśla i większość naszych prezenterów chcemy grać przede wszystkim nasze Ślaskie piosenki. Bywo jednak tak że jak sie niejedni przyczepiom to piszom do nas na konsolka o wszystko byle nie o Śląskie piosenki. Mom nawet prośby o RAP czy Techno. Som też Wśród Was tacy słuchacze co wiecznie jedni i ci sami piszom erotyczne liściki i czekajom czy to prezenter poczyto czy nie, a co sie nieroz czytać nie godzi, bo momy wsród sluchaczy nawet i dzieci. Najlepsze jest to jednak ze piszom do siebie wzajemnie z tego samego IP kompa /co my prezenterzy widzimy/ zamiast wyszeptać te słowa swojej ukochanej do uszka. W tym miejscu prosza Was też o to: żeby jedni a ci sami nie blokowali konsoli pozdrowień wieloma wpisami /i wiecznie tymi samymi wierszykami/ a pozwolyli też sie wpisać i pozdrowić innym sluchaczom, co wiecznie czekajom na wolno konsolka pozdrowień, bo ilość wpisów jest ograniczono.Prosza Was też o zaufanie do DJ_ja i zdać sie na jego gust w wyborze piosenki, wtedy prowadzący audycjo bydzie mógł som realizować swoja audycjo, a wy po jakości ocynicie czy to robi dobrze czy też źle.Nigdy nie chciołech i nie chca być ino papugom na Wasze polecenia ale chca swoje audycje prowadzić według moigo pomysłu i upodobanio.Jak mi na to pozwolicie to jo gwarantuja Wom dobro zabawa i super piosynki. Miołbych Wom jeszcze sporo do powiedzynio ale myśla ze to styknie. W imiyniu wszystkich DJ-jów i prezenterów naszych radii internetowych,/a myśla że som tego samego zdanio co jo/ pozdrowiom wszystkich naszych słuchaczy a szczególnie odwiydzających ta stronka i zaproszom do dalszego słuchanio naszych audycji: Wasz DJ-Lojzik
