peter
Admin
Admin
| Posty: 23 |   |
Oklaski: 2
|
tego pisanio bez sensu już styknie - 2008/05/18 11:08
Szanowni czytelnicy,
musza zaś sie tu wpisać, bo czuja sie za prowadzenie i moderowanie tego forum odpowiedzialny, a niy chca, żeby sie sam komuś żołć ulywała, i żeby to niy skończyło na wyzywaniu.
Zrobioł żech ta strona, żeby informować o ślonskich radiach internetowych,
nikaj niy mom napisane, że jest to strona yno do ślonzokow.
Na forum, kiere może każdy uzywać bez rejestracji, możecie pisać, co sie wom podobo, ale nie piszcie takich głupot, kiere do niczego niy pasujom.
Skończcie z tym wyzywaniem i obrażaniem
Jo wiem, co to Gorole, abo i Hanysy, i dużo z nos mo w rodzinie jakigoś Gorola, abo i jakiś Hanys mo za teściow Goroli, i tak to już jest, i tak to już bydzie.
Beztoż, jak piszecie tak o jednych abo o drugich, to ale nie zapominejcie, że to som takie same ludzie, jak wszyscy inni, i może tak nom po cichu zazdroszczom, że momy tyla radyjokow, i tyla wykonawcow.
Jest drugie forum, kaj możecie pochwolić swoje ulubione radio internetowe,
trocha mie to zastanowio, że tam som yno 4 wpisy...
No ale tak to już jest, krytykować, to każdy umi najlepij,
ale jak przidzie coś samymu zrobić, to juz nie jest tak lekko.
Piszecie dużo, że sie na radiu internetowym idzie dorobić...
dorobić to sie możecie zawału serca, abo nerwicy żołondka.
Pomyślcie tak na chłopski rozum, abo jak wolicie, na ślonski rozum,
wiela je takich radii, kiere majom coś ciekawego w swojim programie,
takich radii, kiere grajom w takij pierszej lidze, to jest pora, możecie je policzyć na palcach jednyj rynki.
Nie dziwi wos, że te radia majom od długigo czasu tako samo ilość słuchaczy?
nie dziwi was, że jak sie popatrzycie na informacje, kiere sam każdy mo prezentowane jak na talyrzu, ilość słuchaczy jest prawie że niezmieniono, i oscyluje kole 2000 słuchaczy, i to jakoś sie nie zmienio.
Może to świadczy o tym, że zainteresownie radiami internetowymi jest ograniczone, abo może jest to tak, że redakcje nie chcom dalszego rozwoju?
Jak sie taki rozwoj radia może skończyć, może swiadczyć akcja na slonskyradio.eu, kiero to radio zdecydowało sie na wyłączanie radia w godzinach nocnych, bo za to tyż trzeba zapłacić.
Każdy by chcioł trocha chociaż szkubnońć, i sie pokozać na fali, ale takie wyjątki to som i były wyjątkami. I tak jest wszyndzie, popatrzcie sie na stacje telewizyjne, na stacje radiowe, na strony internetowe. Każdy staro sie mieć jak najwiecej widzow, jak najwiecej słuchaczy, jak najwiecej odwiedzających. I to jest normalne, bo to motywuje i pomogo w dalszym rozwoju tej działalności. I ci, kierzi sie o rozwoj swojij telewizji, radia abo i strony internetowej starajom, bydom dużo w to inwestować - na poczontek swojigo czasu, i serca. Ale jak to już jest, inwestycje som różne, jedne radio mo bogatego sponsora, kiery może sypnońć kasom, ale nie mo dobrego konceptu, a inne radio mo dobry koncept, ale nie mo kasy aby sie przebić...
Powinni my sie cieszyć, że momy tyla radyjokow do wyboru, i to MY słuchacze momy nojwiekszy wpływ na to, kiere radio mo dużo słuchaczy.
A że dzisiej każdy może sprobować swojich sił, to może jeszcze sie pojawi nowe radio, kiere przewalcuje wszystkie inne...
I nie krytykujcie tych, co posyłajom pieniondze na radio, bo to jest od każdego osobisto sprawa, co robi ze swojimi piniondzami, kaj je posyło, i kogo wspomago.
Lepij sam napiszcie, jakie mocie pomysły, i co byście chcieli, żeby na radiach było coś nowego, żeby prezenterow i szefow radii zmobilizować do dalszego rozwoju programu radiowego.
Czy transmisja mszy św, transmisjo z klubu i czytanie pozdrowień to wszystko, czy niy mocie innych pomysłow na to, jak sie zabawić na radiu?
Peter
Edytowany przez: peter, w: 2008/05/18 12:04
Peter Katzmann
familok.info - o slonskich radiach internetowych |
